القسم : اختيار الزوج أو الزوجة
العنوان : انا انسانه وحيده وسني كبير وفرص الزواج قلت
عدد القراء : 2709

الإستشارة :السلام عليكم،، انا ارسلت استشاره من قبل وتم الرد عليها وجزاكم الله خير ورقم استشارتي اهو7257767 وانا قريت وفهمت كل اللي مكتوب فيها بسياشيخ هالانسان رافض انه يتكلم في زوجته السابقه فعلا ومن الحاحي عليه قالي بعض الامور بدون لا يذكرلي تفاصيل وانا محترمه هذا الشي فيه بس بنفس الوقت مسبب لي حيره لأني ودي اعرف هل اهو فعلا صادق وعنده حق في التفكير بالزواج الثاني او انه يتجنى على بنت الناس ومن ناحيه ثانيه حاولت اني اقنعه انه يكلم اهله بموضوع زواجه الثاني وهو رافض فكرة علمهم قبل لا يتم الموضوع بحجة انه يبي يحطهم امام واقع وانا هذا الكلام مو مقنعني بس ياشيخ مثل ما قلت لك انا انسانه وحيده بالهدنيا ومحتاجه لتكون اسره تكون اهي اهتمامي الاول وبعدين سني كبير وفرصي بالزواج قامت تقل وماعاد يجيني خطاب مثل اول وحابه اكون اسره استقر فيها وياشيخ انا محتاجه لإحساس الامان اللي افتقده حيل مادامي بروحي ومالي احد ،، ادري يمكن كلامي هالمره يفتقد للعقل بس انا فعلا محتاره وماني عارفه شسوي انا ياشيخ اتمنى ارتبط بانسان بمباركة كل اهله بل بالعكس انا اطمع تكون امه امي وابوه ابوي واخوانه واهله اخواني واهلي يمكن الحياة اللي احياها حسستني بحاجتي للأهل ،، واسفه لأني لازلت لكلمه مع معرفتي انه خطأ بس يمكن عزاي اني ابغي حلال رب العالمين وهذي الطريقه الوحيده بالنسبه لي - اتمنى تدلني ياشيخ جزاك الله خير