القسم : العلاقة الزوجية ماقبل الزواج
العنوان : ساعدوني الله يجزاكم خير
عدد القراء : 2693

الإستشارة :السلام عليكم ورحمة الله وبركاته....وبعد,, انا شاب من قبيله معروفه ابلغ من العمر 27 عاما اعمل موظف حكومي في السعوديه...نشأت في بيئه مترابطه والحمدلله .. في يوم من الايام دخلت النت في قسم الدردشه وكنت ادخل على الفتيات في قسم الرسايل الخاصه واتراسل معهن ولكن كتابيا وفي حدود الادب ... ولكن في ذلك اليوم دخلت على اسم مستعار اخترته من بين الاسماء لشعوري باخلاق تلك الفتاه من اسمها المستعار انها متزنه..وهي لم تشارك في الحديث العام فتحدثت معها في قسم الرسايل الخاصه بحيث اني بدأت السلام فردت هي.. وبعدها اخذت اناقش معها امور عاديه فكانت ردودها فعاله ومتفهمه الى ابعد حد ...جذبني اسلوبها في الحديث بصراحه..وبعدها طلبت منها الايميل لكي اتحدث معها على الماسنجر..فقالت لي انت شخص حديثك يوحي عن طيب اخلاقك ولا امانع باعطائك الايميل ولكن ان شاء الله ما تكون مثل غيرك من الشباب.. قلت ان شاء الله ..فكرت قلت ماذا تقصد بكلامها لي؟؟؟؟ المهم كنت اتحدث اليها على الماسنجر كتابيا كل يوم ونناقش امور اجتماعيه (يعني في حدود الادب والله) وحسيت انها مرتاحه لي وذلك واضح من ردودها ...انا بدأت احس بشئ غريب من ناحيتها ..فقلت لا .. يامحمد لا تتعلق بها البنت ما تدري كيف اخلاقها واهلها...يعني كانت نيتي اخذ وعطا في الكلام فقط ما كنت افكر في مقابلات او ما شابه.. لاني ما سويتها وانا طالب جامعي اسويها الحين وانا موظف .. مع الايام بدأت ارتاح لحديثها وتوالت خطوات الشيطن وتطورت المكالمات الى اللقاء ....الى ان قالت اتمنى ان تكون زوج لي على سنة الله ورسوله ما اقدر انساك وارى فيك مواصفات الزوج الصالح... قلت الامر مو بيدي انا لي اهل وانت كذلك لابد من اقناعهم بطريقه ما .. انا بصراحه ناقشتها في مواضيع كثيرة بصراحه حول الزواج انه مسؤليه ..الخ وهي متفهمه الى ابعد حد .. وللمعلوميه هي محافظه على صلاتها وباين فيها الخير .. لدرجة انها تدعيلي دائما بالذات يوم الجمعه فبل الغروب ترسلي وتنبهني بان ادعي الله ...لاحظت عليها انها تقرأ القران باستمرار .. سالت عن اهلها وديرتها واتضحولي انهم ناس طيبين .. اخيرا....انا في حيرة من امري انا وياها ....ابي اكلم اهلي ولكن اخشى انهم يرفضون واتعب نفسيا ..كيف اسوي وهل من حقي اني اختار شريكت حياتي انا بنفسي.. طبعا لابد ان اهلي يشوفها قبل.. لكن اخاف يرفضون الفكرة من اساسها .. طبعا ما راح اقول لهم عن اللي بيننا لكن الفكرة انها من خارج القبيله؟؟؟ والله ما ادري ايش اسوي ( نحب بعض فوق العاده) اسال الله ان يختار لي الخيرة الطيبه بالحلال ...ولا الله يغنيني ويغنيها عن الحرام.. يعني صح انه زواج عن طريق النت لكن ايش اسوي..حاجه تخوف وغريبه لكن الله المستعان... وشكرا جزيلا ... ارجو الرد في اسرع وقت ممكن ,,وسلامتكم