القسم : مشكلات زوجية-نشوز الزوجة
العنوان : أريد حلا
عدد القراء : 2715

الإستشارة :السلام عليكم ورحمة الله وبركاته انا من تزوجت وما يمر اسبوعين بالكثير الا وانا متمشكل مع زوجتي ,, زوجتي مشكلتها لسانها طويل وما تحترمني وتحن كثير . ودايم تشكي من اهلي ومن زوجات اخواني مع اني بعيد عنهم , كل ما اتعرف على احد وادخل معاه تشكي علي من زوجته جننتي . بيجيني ضيف تسويلي سالفه ليه ما قلتلي قبلها بيومين كثير , حياتي كلها نكد تبي شيء تسويلي انواع الافلام على شان تاخذه . نايم تجي تصيح يعني الله يهديها تجنني . واي سالفه اطريها على طول تتكلم عن اهلها انهم احسن ناس وما يمديني اذكر احد بالخير الا وتجي بنفسها تدافع عنهم وما تعبر اهلي ... ما تحترم اهلي هي اصلا وتسب فيهم حتى في شرف اختي قدامي .. فما ادري وش الحل كم مره بغيت اطلق لكن امسك نفسي على شان عيالي ثم وظعي المادي .. وجاتني بداية زواجي ضائقه ماليه واجبرتني اني اخذ ذهبها بالغصب وسددت اللي علي وكلمت اغراض الشقه ... فياليت تدلوني بعد الله على الطريق السليم