إعفاف للزواج والإصلاح الأسري

القسم : استشارات نفسية اسرية
العنوان : انا ضائعة
عدد القراء : 2713

الإستشارة :انا فتاة عمري26 عازبه اعيش مع والدي واخواني وزوجة ابوي زوجة ابوي تكرهني وتعاملني اسوء معاملة مما جعلني انحرف عشان ادور حنان بالبداية حبيت بنات دعيت ربي الين ماهداني بعد كذا حبيت اولاد اول حب لي انهتك فيه عرضي بسبب الحنان اللي كان يعطيني هوا تركنا بعض بسبب استخارتنا لانه حاول يخطبني بس اهله رفضوني بعد ماتركنا بعض غير بيته وارقامه نفسيتي تعبت وجلست ادعي انه ربي يستر علي جلست فترة محد يجيني يخطبني الين جاني محمد محمد شاب42سنة متزوج عنده ست اولاد ولون بشرته اسود فرحت انه خطبني وقلت الحمدلله ربي رسله لي وقلت لمحمد على مشكلتي وقلي سرك بيندفن معي بقبري واصر انه ياخذني وقلي حتى لو ماوافقو اهلك اقل شي نسوي ملكة عشان حتى لو فكرتي تتزوجي اللي اهلك يبغوه ماتضطري تقوليله اللي فيكي ويحتقرك ارتحت له مره واتعلقت بيه قبل ماتتحدد الملكة حاول عمي بكل الطرق يخرب الزواج بحجة انه كبير ومايناسبني وماهو من ثوبنا وعنده كومة لحم يعني اولاد محمد غلط بشي انه لما جا قال لابوي انا عندي بنتين فقط عشان يسرع الزواج وبعدين يقول لابويا بينهم وبين بعض عمي سحب برنت من الاحوال عن طريق رقم جوال محمد وطلع منه انه عنده6 اولاد وبكذا اثبت ان محمد كذاب وجلس يتكلم عند العائلة ويقولهم هذا كذاب ومخادع ووو انه من الشارع وكلام ماينقال طبعا محمد عرف وماتكلم صبر عشاني,حاول يكلم ابوي اكثر من مرة بدا ابويا برفض وقله ايش العيب اللي ترفضه فيني قله مافي شي بس الاهل ماتفقو نفسيتي تعبت وبدات علاقتي مع ابويا تخرب السبب انو ابويا شايفني تعبانة اكيد اني اتعب بعد ماخلاص بدات احس اني برتاح من مشكلتي وانو ربي بيستر علي عمي خرب علي كل شي مو كذا بس ماخلااحد حتى جا لخيلاني واتكلم معاهم قلهم انا اعرف مصلحة البنت وامها لو كانت عايشة مابترضى تزوجها لواحد زي كذا ووو نفسيتي تعبت جلست بحالة اكتئاب قالو اني مسحورة وانه هو سحرني وقالو انه ضاحك علي واشياء كثيرة قربت علاقتي مع الله عشان ارتاح والاقي حل لان الشيطان وقتها كان يوسوسلي اني اغلط بس حاربته المهم مع بداية السنة الجديدة قلت لازم اريح ابوي اخاف اني اكسب اثم انه مضايق عشاني وسويت نفسي اني نسيت الموضوع وقفلت عالموضوع وكنت مانام الا وانا ابكي لاني كاتمة بقلبي كلمت بنت عمتي انسانة عاقلة وقلتلها اني مني بنت وقلتلها ايش رايك اقول لابوي لانه وقتها جابلي عريس وماوافقت لاني قلت بنفسي بجلس افضح نفسي عند كل الناس في رجال بيسترو ورجال لا خلاص انا قلت لمحمد وبتمسك بيه لانه رجال يصلي ويخاف ربنا وسالت بنفسي عنه لان اهلي ماسالو عنه ولاعن اخلاقه بس سحب عمي البرنت اللي قلت عنه اول زوجته لانه طلقها طلقة رجعية وهم بفترة مشاكل وقتها قلت اكيد انه بحكم غيرتها لو فيه عيوب بتقولي وقالتي كل شي عنه وقالتي ربي يسالني اذ قلت اي شي غلط الرجال طيب وعمره ماضرها وووو... وقالت الكلام ذا لوحدة من خالاتي وقالتي مستعدة اقول لابوكي لاني ماقلت الالحق بنت عمتي قالتلي لاتفضحي نفسك عند احد ولاتقولي لابوكي لانه بتجبيله جلطة وانتي السبب قالتلي انا بساعدك وكلمت اهلي وكلمت عمي لكن كل ماتكلمهم يزيدو باصرارهم ويغلطو على محمد كنت اضايق عشانه وكنت ادعيله اقول ان شالله ياخذ اجري واجر كل الناس اللي بيتكلمو فيه من اهلي لانه هو يبيلي الستر وهم فاهمينه غلط كلمت عمي قلي الشرع بيوقف مع ابوكي لانه اهم شي رضى الوالدين وابوكي رافض تماما ولااحنا مابنرضى وقلي جيبلي اي شيخ بيقولك انو الحق معانا وانه لازم ارضي ابويا وماتزوج الاالي يبغاه ابويا انا ضايعة مني عارفة احل مشكلتي كل يوم استخير وادعي لو انه محمد ماله خير فيني يارب اسالك تعوضني وتبدلني باحسن منه لكن الي الان ماتركته والي الان مازلنا على تواصل لان نفسيتي تعبانة وصرت احتاج اتكلم معه بكثرة بدات انهار ويمكن الجا للمحكمة بس قلت خليني استشير كل الناس اللي عندهم علم ودين يمكن اخسر كل شي لو لجات للمحكمة

الجواب:
بسم الله ابنتي العزيزة ، مشكلتك هذه بسيطة جدا ولكن تحتاج إلى عقل وهدوء . أولا أستغرب أن واحدة مثلك ذكية وفطنة يضحك عليها الشيطان بحجة أن أمك غير موجودة وأن هناك مشاكل مع زوجة أبيك ولهذا السبب انحرفتي وتعلقتي ببنات ثم أولاد . لو كان الأمر مثل ما ذكرتي لانحرف كثير من الناس ولو قرأتي التاريخ لوجدتي أن معظم عظماء الإسلام كانوا أيتاما أو لديهم مشكلات في الصغر . ابنتي العزيزة : الله تعالى لم يخلقك للزواج وإنما خلقك لعبادته فهل الإنسان إذا لم يتزوج يضيع الآخرة وينسى ربه ، كم من فتاة لم تتزوج وابتلاها الله بفقد والدتها أو والدها وتجدينها تشغل نفسها بكل ما هو نافع : بالعلم ، بحلقة تحفيظ ، بالدراسة بوظيفة مع نساء ... بالقراءة . فإن حصل الزواج فهو نعمة عظيمة تحتاج للشكر وإن لم يحصل لا بد من الصبر حتى ما ننسى الهدف من خلق الله لنا . ابنتي : وكلي الأمر لله وأكثري من الدعاء ولا تتكلمي مع أي رجل لا يحل لك الحديث معه ومنهم محمد هذا لأن الحديث مع الرجال الأجانب معصية تجلب غضب الله تعالى ، ولكن يبذل هو الأسباب الشرعية ويخطبك ويدعو الله تعالى فإن كان من نصيبك فسييسره الله ، وإن لم يكن كذلك فوالله لو اجتمع الناس كلهم لن يحصل إلا ما قدره الله تعالى . استقيمي على شرع الله وقضية فقد البكارة معصية يجب عليك شرعا أن تستتري بستر الله ولا تذكريها لأي أحد مهما كان وكم من فتاة تزوجت وهي فاقدة لبكارتها فسترها ربها لأن البكارة لا تفقد كاملة ولا يتضح للزوج الأمر فالله قادر على الستر ، والغريب أن الله يستر وابن آدم يكشف ستر الله . اهدئي واستشيري مستشارة ليست من أقاربك كمستشارة شرعية أو تربوية وتواصلي معها وبإذن الله سييسر الله أمرك فلا تتعجلي . هناك في كل مدينة مركز للاستشارات الأسرية تواصلي مع المستشارة الأسرية وتوكلي على الله وأبشري بفرج الله القريب .

أضيفت في: 2011-05-10

المستشار / الشيخ: محمد العتيبي

أضيفت بواسطة : الشيخ : محمد الثبيتي