إعفاف للزواج والإصلاح الأسري

القسم : العلاقة الزوجية ماقبل الزواج
العنوان : هل ابوي عاضلني
عدد القراء : 2712

الإستشارة :انا فتاة عمري26 عايشة بمدينة ينبع مع والدي واخواني وزوجة ابي امي رحمها الله توفت وتزوج ابي بخالتي شقيقة امي,للاسف لم تكون هيا الصدر الحنون بعد زواجها من ابويا بالرغم انها كانت حنونة معنا قبل زواجها بابوي وبدات مشاكلها معي من طفولتي من حبسي ومعاملتي اسؤ معاملي وطردي من المنزل مع اني طفلة لمدة ساعة او اكثر احيانا بحجة تربيتي والي الان وانا بمشاكل معاها لانها تغار مني وتقول لابوي روح لزوجتك نام عندهايعني تعتبرني كاني طبينتها تزرع بابوي افكار غريبة تقول لابويا روح نام عندها روح احضنها روح ... الله يهديها المهم مارتحت معاها ابدا حتى ابوي مو مرتاح معاها بس متحملها لانو جاب منها اولاد بعد ماخلصت ثانوية اخذتني جدتي عندها ادرس بجدة عشان تبعدني عن المشاكل لكن سبحان الله وانا مؤمنة انه ابتلاء لقيت عمتي المطلقة تنتظرني عند جدتي تكرهني وتحاول بكل طرقها انها تخلي جدتي تكرهني وترجعني لابوي وسبب كرهها لي لان ابوي وهي صغيرة كان يضربها ويحاسبها على كل شي لانه اخوها الكبير فصارت تحط كرهها لابوي فيني صبرت واتحملت واحتسبت اجري عند الله الي ان اخذت شهادتي الجامعية اتوفت جدتي الله يرحمها وفي فترة المشاكل كنت ادور حنان بطرق غلط وغير كذا كانت شهوتي قوية كنت اتعرف على بنات وامارس معاهم علاقات محرمة ادور حنان الام اللي فقدته .الي ان ربي هداني بليلة من ليالي رمضان دعيت فيها من قلبي انو ربي يهديني والحمدلله ارتحت بعد ماتركت ذا الشي جلست فترة وبدات امشي مع شباب وكان اول حب ليا دمرلي حياتي انهتك عرضي فيه لانو كان حنون معايا مره وبعت نفسي له من غير مافكر باي شي, تركت هذا الشاب ولاادري عنه شي لانه اراد خطبتي لكن فجاة زادت المشاكل بعد استخارتنا الين تركنا بعض , بعد ماتركته تعبت نفسيتي مره حاولت انسى الموضوع واعيش حياتي بس كل ماينفتح موضوع زواج اتعب وجلست اتقرب من الله وادعي انو يرزقني بزوج يستر عليا صبرت كثير الين ربي اراد يرزقني ورسلي محمد محمد شاب عمره42 متزوج عنده6 اولاد لونه اسود جاني محمد على اساس يتقدم يخطبني وجاني عن طريق اهلي بالبداية ابويا وافق وقال عشان صلاته واخلاقه انا ماقدرت اكتم الامر اللي هي مشكلتي باني مني بكر وقلت لمحمد الي صار فيني وقال لي سرك بيندفن معاي بقبري وانا بساعدك بكل اللي اقدر عليه وبنسيكي كل شي اتعلقت فيه مره وفرحت صرت امشي وانا فرحانة واتكلم عند اللي احبهم اقولهم ربي يحبني ربي استجبلي ربي بيرحيني واخيرا ربي ستر عليا لكن فرحتي هذي دمرها عمي ماعجبه محمد ابدا وحاول بكل طرقه يخرب علي حاول يكلم ابويا وقله انا حلمت ان هذاالرجال مو كويس بس ماقدر ياثر بابوي الين ماتحددت الملكة ابوي حددها وباركلنا بالزواج اخذ رقم محمد وطلع برنت من الاحوال بطرقه الخاصة طبعا محمد لما جالابوي ماقاله انه عنده ست اولاد واحنا اتفقنا على ذالشي عشان لانصدم ابوي وعشان ابوي لايرفض وعشان نسرع الزواج ومحد يعيب في الرجال المهم بعد ماسحب البرنت قال عن محمد انه كذاب ومخادع وممثل وعنده كومة لحم وطلع عيوب الدنيا كلها بمحمد وانه اسود عبد ومن الشارع الين مارفض ابويا محمد سالت ابويا قلتله ليش سويت كذا ومحمد ساله قله ابوي مافيك عيب بس ماتفقو الاهل. حاولت اكلم ابويا وابكي واسلم على رجوله واقوله لاتسمع لكلام عمي وعماتي لانو مابيضرهم شي والكل عايش حياتو يقولي انتي تفضليه عليا انت ماتحبيني وخرب بيتنا صار كله مشاكل ونقل كلام من عماتي لابويا عني وبدات تدمر علاقتي بابويا وبدا ابويا يكره محمد بحجة انه هو خرب حياتي رغم انه لو درى انو محمد نيته خير ويبالنا الستر كان مارفضه زادت حالتي النفسية سوء وجاني ارق واكتئاب ماتكلم مع احد لدرجة قالو انو محمد سحرني ومن جلستي الكثير مع نفسي بدا الشيطان يوسوسلي باشياء ويدخل فيني الشهوة ويزيدها علي عشان اغلط لكن قربت اكثر من ربي عشان انسى هذي الشهوة وماغلط بعد فترة قلت مافي غير اني اعترف لابويا باني مني بنت لان عمتي جابتلي عريس عشان تنسيني محمد وانا رفضته ماقدرت اقبله قلت بنفسي بجلس افضح نفسي كل ماجاني عريس بقوله اني مني بنت واني غلط لاني ماحب اعيش بكذب وقلق الين ماينكشف امري كلمت انسانة قريبة لي من اهلي وقلتلها كل مشكلتي لاني عارفة انها بتستر علي وقلتلها ايش رايك اكلم ابوي قالتلي لا بتجيبلة الجلطة قالتلي اسكتي انا بحاول اكلمهم والي الان مازالت تكلمهم وهم رافضين بحجة انه كبير ومتزوج واسود وماهو من ثوبهم حزنت على ابوي لانه كان تعبان يتعب لمن يشوفني تعبانة صرت اكتم بقلبي واضحك وانا مخنوقة كلمت ناااااس كثييييير شيوخ وجمعيات ابغى حلول اخر شي اتكلمت مع عمي وقلي احنا نبغى مصلحتك والشرع بيوقف مع ابوكي وانتي ابوكي حيموت بسببك وبتدخلي النار لانه مستحيل يزوجك بمحمد قلي مستعد اقنعك بكل الطرق انه ماينفعك بجبلك شيخ يقولك دالكلام انه لازم تسمعي كلام ابوكي وقلي اكيد هويهددك او مسويلك شي عشان كذا تبغيه وشار عليا اني اكتم بقلبي عشان ابوي انا نفسيت جدا تعبانة ومتاكدة لو جاني اي عريس بيواقفو عليه دون مايسالو عنه كل ذا عشان مايزوجوني بمحمد مني عارفة ليش هم مسوين كذا قلتلهم سعادتي وراحتي معاه ماهم راضين يقتنعو ابغى مساعدتكم ودي تنتهي مشكلتي قلت لعمي صدقني محمد احن علي من اي احد ثاني قلي يضحك عليكي ابوي الان مشكلته انه عبوله راسه وقالوله مايناسبك دالرجال ولو زوجتها بيه بيتكلمو فيك الناس امها تركتها عندك امانة لاترميها عند رجال زي كذا وابويا لانه ضعيف وطيب جالس يتاثر بكلامهم وانا الي تعباااانة طلبنا استشارات كثيرة والكل يشور علينا نكلم امام المسجد وكلمناه وقله محمد كل شي وقله الامام استخير وبكره تعال لابوها وكلمه وفعلا جا محمد كلمه بالجامع لكن ابوي كل كلامه واضح فيه حقد وكره من غير سبب طبعا من ضمن الكلام قال ابوي لمحمد ادري انكم بتروحو تشتكو علي بالمحكمة طبعا ذا كلام عماتي مع العلم انهم جايبين داالكلام وانا لي فترة اكثر من3شهور ماشوفهم ولافتحت موضوع محمد معاهم الحين احنا بحيرة وبراسي اروح المحكمة لاني بدات افقد صبري بالمشاكل والكلام اللي اسمعه يعني يكفيني خالتي والحين طلعو عماتي وابويا الكل مضايقني اخر مرة اشتكيت لابويا على عماتي قلي انا اصلا متبري منك اصرف عليكي لانك موجودة بالبيت معانا وهذاالكلام دمرني انا متاكدة ان الكلام مو من قلبه بس هذا من الحقد والكره الي دخلوه عماتي بقلبه من كثر مايحرضوه عليا مع اني بنت ابويا الوحيدة وكان يحبني مره ابغى حل منكم وانا ان شاء الله بصبر بس على وشك الانفجار يعني حتى لو تركت محمد وعشت حياتي اهلي مضايقيني من كل جهة وهذاالشي مو جديد من زمان والحين زاد بعد ماكنت على بعد شعرة وحدة من اني ارتاح وانسى همومي انا بدات اكره ابوي واقول بنفسي لو سكت على ذا الظلم مابسامحه بقبره ولو حققلي امنيتي وراحتي بدعيله من قلبي

الجواب:
بسم الله ابنتي العزيزة ، مشكلتك هذه بسيطة جدا ولكن تحتاج إلى عقل وهدوء . أولا أستغرب أن واحدة مثلك ذكية وفطنة يضحك عليها الشيطان بحجة أن أمك غير موجودة وأن هناك مشاكل مع زوجة أبيك ولهذا السبب انحرفتي وتعلقتي ببنات ثم أولاد . لو كان الأمر مثل ما ذكرتي لانحرف كثير من الناس ولو قرأتي التاريخ لوجدتي أن معظم عظماء الإسلام كانوا أيتاما أو لديهم مشكلات في الصغر . ابنتي العزيزة : الله تعالى لم يخلقك للزواج وإنما خلقك لعبادته فهل الإنسان إذا لم يتزوج يضيع الآخرة وينسى ربه ، كم من فتاة لم تتزوج وابتلاها الله بفقد والدتها أو والدها وتجدينها تشغل نفسها بكل ما هو نافع : بالعلم ، بحلقة تحفيظ ، بالدراسة بوظيفة مع نساء ... بالقراءة . فإن حصل الزواج فهو نعمة عظيمة تحتاج للشكر وإن لم يحصل لا بد من الصبر حتى ما ننسى الهدف من خلق الله لنا . ابنتي : وكلي الأمر لله وأكثري من الدعاء ولا تتكلمي مع أي رجل لا يحل لك الحديث معه ومنهم محمد هذا لأن الحديث مع الرجال الأجانب معصية تجلب غضب الله تعالى ، ولكن يبذل هو الأسباب الشرعية ويخطبك ويدعو الله تعالى فإن كان من نصيبك فسييسره الله ، وإن لم يكن كذلك فوالله لو اجتمع الناس كلهم لن يحصل إلا ما قدره الله تعالى . استقيمي على شرع الله وقضية فقد البكارة معصية يجب عليك شرعا أن تستتري بستر الله ولا تذكريها لأي أحد مهما كان وكم من فتاة تزوجت وهي فاقدة لبكارتها فسترها ربها لأن البكارة لا تفقد كاملة ولا يتضح للزوج الأمر فالله قادر على الستر ، والغريب أن الله يستر وابن آدم يكشف ستر الله . اهدئي واستشيري مستشارة ليست من أقاربك كمستشارة شرعية أو تربوية وتواصلي معها وبإذن الله سييسر الله أمرك فلا تتعجلي . هناك في كل مدينة مركز للاستشارات الأسرية تواصلي مع المستشارة الأسرية وتوكلي على الله وأبشري بفرج الله القريب .

أضيفت في: 2011-05-10

المستشار / الشيخ: محمد العتيبي

أضيفت بواسطة : الشيخ : محمد الثبيتي