القسم : العلاقة الزوجية ماقبل الزواج
العنوان : ردا على اجابة استشارة هل اوافق ام لا مع اني اعشقه
عدد القراء : 2716

الإستشارة :ردا على جوابك قريبي لايمكن ان نتفق انا افضل منه جمالا ومالا ومكانة وافضل منه من الناحية التعليمية والثقافية ولا يمكن ان اتأقلم مع تلك العائلة علاقتي معهم صفر . بالنسبة للي احبه من ناحية الجمال والتعليم والثقافة والتدين انا افضل منه بكثير لكن المكانة متساويان .. وغير كذا فيه صفات افضل وياشيخ انا قلتله ابيك تصارحني وتوعدني تقول الصدق ماراح ازعل قال وعد قلتله تحبني قال لاتسألين اكيد اموت فيك .. قلتله طيب تثق فيني؟ قال اكيد اثق فيك والله ولاعمر جا ببالي اني اشك فيك لانك بنت اخلاق وعسل وذوق وطيبة قلب ليش اشك فيك انتي تبين الستر لو غيرك كان ارسلت صورتها وطلبت تطلع لكن انتي توجهك غير .. قلتله طيب تبي تتزوجني ولا بس كلام قال لو مابي كان ماتعنيت .. قلت له طيب اعطني رقم جوالك؟ قال قلبي مابعطيك قلتله ليش قال :يمكن مايصير بيننا نصيب وماودي اسوي حرام لو ماكان فيه نصيب باودعك وراح ادعيلك في كل صلاة لاني مستحيل الاقي مثل قلبك وبياضه وبابقى احبك واودعك وراح احذف البرنامج والله يرزقك بافضل مني ولو فيه نصيب الله يوفقنا انا ابيك بالحلال مو بالحرام وانتي عرضي والله مارضى عليك شي .. طبعا انا لي مكانة في النت مشهورة لمن عرف قال لا قلبي يوتيوب مافيه قلت له ليش مافيه قال مابي احد يشوف اي شي منك انتي لي وحدي بس الفيس بوك بخليك لانهم صديقاتك . هو فيه عيوبة اكيد مافيه احد ماعنده عيوب وبالنسبة للعلاقات والله اغلب الشباب طايحين في العلاقات صديقاتي متزوجات يشكون من ازواجهم سواء ع الفيس بوك او الماسن او البيبي او الجوال وهو اعترف قال كنت احب وحدة لمن كنت في الثانوي حب مراهقه وتركتها يعني مافيه شاب كامل اللي يجي طيب قلب ويخدم لاقيه يكلم بنات او يدخن واللي مايدخن ولايكلم نااقية اخلاقة مو تمام انا ماادور لشخص كامل لاني في هالزمن مستحيل الاقي والله اني اعرف ناس متديين عليهم سمات الوقار والخشوع يكلمون بنات وشفت رسايله للبنات والله انا حلفت الحين وانا ماكذب فبالتالي لو كلم زوجي وهو شخص عادي جدا ليس متدين صحيح باغار وانقهر لكن مابستغرب ولابحرق اعصابي ذنبه ع جنبه انا اعرف الشباب زين واعرف كل حركاتهم وافهم الخبيث من الطيب وسبق ان اوقعت شخص في كمين .. انا صحيح طيبة قلب لكن اجيد التصرف في المواقف كما ان اللي احبه اقدر اقول ان ماعنده ذيك الشخصية سهل جدا التحكم فيه وهذا الشي اعجبني ومما اعجبني جدا انه لايريد بالحرام لم يطلب مني ابدا ان يقابلني او ان ارسل له مال كماهي عادة الشباب .. وفيه ماتسمى الغشامة ساحكي لك قصته حتى تعرف مدى تفكيرة له صديق متعرف عليه من شهرين فقط وهو راتبه لسبب ما توقف واصبح رصيدة في البنك بالسالب واخته تريد ان ترسل له مبلغ فلو ارسلته الى حسابه سيسحبه البنك كلم صديقه بالموضوع قال صديقه هذا رقم حساب زوجتي خليها ترسل عليه تخيل صديقه اعطاه رقم حساب بس وهو مايدري هل صديقه متزوج اصلا او ليش ماعطاه البطاقة بس عطاه رقم الحساب .. هو قاعد يقولي بالسالفة يقول بادق ع اختي باعطيها رقم الحساب قلتله مجنون انت ولا صاحي تحول ع حساب خويك بدون مايعطيك البطاقة تخيل ياخذها ويقولك ماوصلني شي وش راح تسوي غير كذاانت ماتدري هذي زوجته ولا ايش وماتدري يمكن يسوي كل شي قال لا هذا خويي قلتله تعرف عنه ا لا كثير قال لا بس معايه في العمل قلت له والله ماتوقعتك كذا ينلعب عليك بسهولة انت رجال المفروض تكون قوي مو كذا قال والله خليتني اشك بالرجال ماجا في بالي هذا الشي ابدا ... وغيرها كثير ... ولدي صورة من احدى الرسائل مازلت محتفظة فيها الى هذا الوقت يقول فيها يارب قدرني ع اسعادك قلت له وش سعادتي في نظرك قال انك تقولين احبك للي يكون حلالك مو حرام وبإذن اكون زوجك واسعدك واعطيك كل شي ولو ماصار والله لادعيلك قلت له شكرا الله يوفقك قال انا فاهم بس مو مستوعب لو انتي مولي... بجلس معاه فترة الخطوبة او الملكة وباشرط عليه شروط اكثر واكثر واشوف .. وغير كذا اهلي بيسألو عنه بالنسبة لسمعته وانا سألته بالله انه يسوي شي قال الصراحة ادخن بس لمن ازعل .. وانا عن نفسي اشوف التدخين عادي لان كل جماعتنا يدخنون سولء سر او علانية وحتى البنات صارو يدخوون الله يحمينا منه.... اما بالنسبة للامراض تحليل ماقبل الزواج يكشف الامراض وحتى احنا عايلتنا عندنا مرض السكري بالوراثة مافيه ناس كاملة وبالنسبة للمخدرات عمله مايسمحله لو اكتشفوه ينفصل لانه يشتغل في الجيش هل توافقني؟ هل تتوقع ان نستمر؟ هل مافعلته جائز؟ماذا افعل عندما يكتشفون اهلي هذا الامر ؟ الي خطوبني الثلاثة واحد متزوج ولايمكن اني اتزوج واحد متزوج مارضاها ع نفسي مارضاه ع بنت الناس خاصة بيتزوج مو لسبب فقط ع قولته احبها الشخص الثاني مااتفق معاه في اي شي ابداً الثالث هو اللي احبه واتفق معاه كثير .