إعفاف للزواج والإصلاح الأسري

القسم : العلاقة الزوجية ماقبل الزواج
العنوان : محتاجة نصيحة ورطانه معه واحبه
عدد القراء : 2696

الإستشارة :السلام عليكم ورحمة الله .. أنا بصراحة طالبه شوركم .. لأني تعبت وحاسة اني متضايقة .. وماادري وش اسوي.. انا بنت متخرجة من الجامعة من سنة تقريبا عمري 23 سنه .. قصتي بدت من 8 شور تقريبا .. أنا احب اجلس على النت وخصوصا بعد تخرجي عندي وقت فراغ كبير مرة .. الي صار في يوم كنت جالسة على الماسنجر كالعادة .. والتقيت مع شاب.. لاول مرررررة حسيت اني انجذبت له بدون مااعرف ليه..كان في البداية استلطاف .. ويوم عن يوم صار ينتظرني وانتظره ونقعد نتكلم لمدة ساعات .. بدون مانحس بالوقت.. بصراحة الولد كان لطيف معي..ومن جد حسيت اني تعلللقت فيه وتعلق فيني .. ويوم عن يوم بدى يزيد لين حبيته صدق.. الغريب من اوووول يوم شفته فيه لقيت نفسي في سجودي ادعي ربي يختار لي الخيرة مع هذا الانسان.. انا ادري ان الي اسويه كان غلط .. بس لقيت نفسي ادعي وادعي..وهو صار يقرب مني كل يوم اكثر من الي قبله..في يوم صار بينا سوء تفاهم وانا الي كنت غلطانه عليه .. بعدها جفااااني مرة .. حسيت بضيق لأني بجد تعلقت فيها .. كل يوم في وتري كنت ادعي ربي اذا كان لي كتبه ونصيب مع هالانسان ان ربي ييسر الامور ويرده لي .. قعدت كذا لمده اسبوع وفجأه لقيته بدى يقرب ويقرب حسيت ان الخيره فيه تمسكت فيه بقوة.. صارحني وقتها لوتقدم لي وخطبني ممكن اوافق عليه ولا لا؟؟ انا بصراحة ماكنت اشوف عليه اي شي يعيبه غير اني ساكنة في جدة وهو في الرياض..هذا الي اعرفه طبعا ... وقتها كنت اقول اذا انسان كويس ماعندي مانع .. المهم سارت الامور وبعد تقريبا 3 شهور طلب رقمي .. وقتها قلت له انا عمري ماكلمت ولو برضى اكلمك عشانك انت وصارت مفاوضات على الموضوع .. بينت له اني حساسة مرة يعني اذا كان بتضرني احسن تشوف احد غيري .. كل الوقت هذا لساني ماكف عن الدعاء في الوتر اوقات الاذان في الطيارة وانا مسافرة وعند باب الكعبة من جد كنت اتحرى اوقات الاجابه وادعي ربي يختار لي الصالح..المهم بدت المكالمات بينا تعلقت بجنون وهو بعد .. صرنا نخطط للزواج ولبعد الزواج.. كاااااااااان احلىىىى حلم بالنسبه لي بس طبعا الخوف كان يجيني من وقت لوقت واتخيل لوبفقده.. قعدنا نحاول ندور فيها طريقة عشان يوصل لي فيها ويخطبني .. في كل مرة كان يقول لي والله العظيم لو انك في الرياض كان من بكرى خطبتك.. بس لو ماتنفع.. المهم كان يرجع يقول لي الله يكتب الخير لاتشغلين بالك وبتتسهل.. تفاجأت بعد تقريبا شهرين في يوم قال لي ابغاك في موضوع .. قال لي ان الوالدة كلمتني على بنت .. انا مااستنيته يكمل الكلام .. قلت له طيب وانا .. وش مصيري .. طبعا هداني وقال لي بس كلمتني ماصار شي .. خليك عاقله ومن ذا الكلام .. بكيت وبكيت لين حسيت خلصت دموعي.. قلت له طيب الحين انا وش المفروض اسوي؟؟ قال لي ولاشي.. استمر الوضع بينا عادي .. كنت كل يوم ادعي ربي واهوجس كيف بقدر ابعد عنه .. كل شي حولي يذكرني فيه .. تخيلت حياتي معه .. طلبت ربي وسالته الخير من اول يوم شفته فيه ... ولقيته يقرب ويقرب .. وعشت الحلم بجد المهم بعد فتره قال لي ابغاك في موضوع اخر مرة .. لما كلمته كان مرة مو عارف كيف يبدى الموضوع معي.. كل شوي يقول لي انتي مؤمنه بالقسمة والنصيب .. وكبيرة وفاهمة .. واستوعبتي كلامي .. وبعدها قال لي خطبت ومن يومين شفت البنت .. اعذريني اشياء كثيرة تمنعني عنك .. وانا لونذل كنت اقدر استغلك .. بس لاني حسيت الفرق الي بيني وبينك كبير .. غير اني لازم اعيش عند امي مااقدر اخذ وحدة برا الرياض .. مااقدر اسافر واخلي امي لحالها .. ومن ذا الكلام .. وقسم بالله حسيت بصدمة غير طبيعيه .. حسييييته كسرني .. حسيت اني اضعف شي في الدنيا .. قلت له وقتها الله يوفقك ومشيت .. حامدة ربي وشاكرته ووالله كلامي هذا مو اعتراض على حكم ربي.. بس متضااايقة مرة وحاسة بحرقة داخلي وماادري وش اسوي .. حاسة دنيتي ماعاد لها طعم .. ماوقفت عن الدعا بس البكى طوووول الوقت معي غصب علي مو بكيفي.. كل يوم احس اني فاااقدته اكثر .. وكل مااتذكر انه صار لغيري مااقدر امسك نفسي .. طوووول الوقت معي صاحية نايمة مع الناس او لحالي .. بجد ماادري وش اسوي .. مالي خلق حتى اتصفح النت زي اول .. صار لي الحين شهر وشوي بس مو قادرة اتأقلم على الموضوع وعجزت استوعب او اتخيل انه لغيري.. الي قاعد يسير معي اني ابغى اتطمن عليه .. ارسلت له ايميل ودعييت ربي يطمني عليه .. لقيته بعد كذا مطمني على نفسه وانه طيب.. احساسي قوي انه لي .. كل مااحاول انساه اقول لا بيرجع.. كل يوووم ادعي ربي انه يجمعني فيه.. لدرجة اني صرت اشك انه خطب .. قلت يمكن قال كذا عشان يبعد .. بس عشان اعيش على امل .. كل يوم ادعي ان ربي يجمعني فيه.. ابغى اعرف وش المفروض اسوي الحين.. المفروض اني احاول انساه خلاص وحرام علي لو دعيت ربي انو يجمعني؟؟ انا دعائي هذا والله مو اانانية لاحقد للي بتاخذه بس اني احبه بصدق وعايش معي ... لأي واحد يقرى رسالتي هذي اتمنى انه يساعدني .. يقول لي طريق اسويه هو الصح ... لاني بجد تعبانة ومحتااارة ومدري وش اسوي .. واحساسي انه بيرجع ممكن يكون وهم مو احساس؟؟ ادري ان اللجوء لله هو مدبر الامور هو الحل .. ولساني والله ماوقف من الدعاء ..بس وش لازم اسوي عشااان ارتاح؟؟ ابغى الحــــــل تكفووووون؟؟

الجواب:
عليكم والسلام ورحمة الله تعالى وبركاته أما بعد: فقد قرأت رسالتك التي احزنتني كثيرا من جانب ، وأسعدتني من جانب آخر . فأما ما أسعدني في هذه الرسالة فهو أن فيها مؤشرات كثيرة على تدينك والتزامك وحرصك على طريق الهداية والحشمة والعفاف ونيتك الطيبة في الزواج الطاهر النقي العفيف ، وقد تخلل رسالتك ذكرك لأمر الدعاء والاتصال بالله تعالى والأنس به وبذكره واللجوء إليه وحده واتضح ذلك في مقدمة حديثك ومؤخرته وهو ما يشعرني بالاطمئنان على تمسكك بهذه العروة الوثيقة وهي مكمن القوة فيك وعنصر الحماية وصمام الأمان . وأما ما أحزنني فهو أنك سلكت طريقا خاطئا للوصول إلى هدف مشروع وهو الزواج. فكانت النتيجة باختصار، أنك لم تصلي ربما لأن الطريق خاطئا ، ولاأريد أن أفاجئك بأن أقول لك كما قد قلت لغيرك من قبل أنك حتى ولو وصلتي فلا تتوقعي أبدا أن تسلم لك الأمور كما تتخيلين . فإن مصيبة بناتنا اليوم هو الإغراق في تخيل الخاطب فارس أحلام يحقق الطموحات ويلبي الرغبات و.... والحقيقة التي تثبتها التجارب التي شهدناها بخلاف ذلك وما سبب ارتفاع نسبة الطلاق المهولة التي وصلت في مدينة الرياض 64% هذا العام إلا بعدة أسباب من ابرزها ما ذكرت لك . أعرف أن كلامي هذا لايقنعك تماما لسببين : ـ اعتقادك المؤكد بان هذا الرجل غير ألئك ولا يمكن أن يكون .... ـ أنك مازلت تحت تأثير عاطفي شديد لا يمكنك من الرؤية بوضوح لحقائق الأمر وفي ما يبدو أنك من النوع الذي يحب بأقصى درجات الحب ، ولاشك أنك تبغضين بأقصى درجات البغض ، وأعتقد أنك بحاجة لإعادة توازن هذه المعادلة لتستقر حياتك ولا تتأثري بصدمات الحياة ، وما هذه التجربة إلا واحدة منها . فكم من زوجة صدمت في زوجها وتفاجأت به على غير ما عهدته وعرفته وخدعها ظنها به إلى أن صعقتها الحقيقة ، وكم من والدة ربت ولدها وجندت نفسها له وربما حرمت نفسها الزواج أو الكثير من متع الحياة ثم تفاجأت بتنكر ابنها لها وانحيازه لزوجته وكذلك الأب .... رسالتي هذه لن تنجح في أن توضح لك أمر كنت مقتنعة بخلافه مالم تعملي أنت على تفهمها وتتبع أبعاد ما أذكر لك واستحضار شواهد مما تعرفين من قصص مشابهة لقصتك .وانت وحدك من تستطيعين أن تواجهي افكارك وتتغلبي على هذه المرحلة من الحزن من داخلك ولكني ساقدم لك بعض النصائح واستبقها بشرط : هو أن تقتنعي أن عليك أن تغلقي باب التازع في أمر هذا الرجل وأن عليك أن توجدي حلا بديلا عن البكاء أو التشكي . ومن النصائح : 1ـ اعلمي أن الحب عبادة يجب أن تكون كلها لله تعالى ,ان يكون حب الناس تحت حب الله ومتقيدا به بمعنى أن يكون الحب في الله وليس في شهوة ولافي غير ذلك ( ومن كانت هجرته لدنيا يصيبها أو امرأة ينكحها فهجرته إلى ما هاجر إليه) 2ـ اشغلي وقتك في حلقة تحفيظ أو دراسة أو عمل خيري يبعدك عن الفراغ وعن محاولة التواصل مع شاب آخر وبالتالي الوقوع في نفس المشكلة .أو الجري وراء الشاب الأول وسراب الزواج المزعوم. 3ـ فكري بعمق شديد في ما أعد الله تعالى للمتقين من الأزواج المطهرة ، والقصور والجنات ,وأن آخر من يدخل الجنة له مثل الدنيا ثلاث أضعاف أو عشر في بعض الروايات ..تصوري ذلك ...تخيلي إذا كنت من هؤلاء كيف ستكونين ؟ ... كيف تكون حياتك ؟.... كم ستكونين سعيدة ومسرورة ؟..... أطيلي التفكير في ذلك واقرأي ماتستطيعين من آيات وأحاديث لاتنطق إلا بالصدق وتأملي .....تأملي في قدرة الله تعالى على الخلق وكيف أن الأرض هذه التي تحمل أحزاننا وآلامنا وفرحتنا وبهجتنا ومنهى سرورنا وحزننا ...ماهي إلا مثل الرملة الصغيرة في الصحراء تسبح في فضاء مكتظ من الكواكب والأجرام ، ليس على الله بعزيز أن يعطيك عشرة أضعافها أو أكثر أو أقل ...إن اتقيته. 4ـ تأملي قصر الحياة الدنيا وحقارتها وهونها بما فيها وكيف أنها في لحظة ألم واحدة تتلاشى من أذهاننا تماما وينغصها علينا حتى الزكام أو الشوكة نشاكها. 5ـ اعلمي ان الذي خلق فيك الحب وأمره أن يجذبك تجاه هذا الشاب ، هوالذي يقدر على أن يذهب عنك الحزن إذا تبت من معصية الاتصال بالرجل الأجنبي عنك تحت علم الله ونظره فالله يغار على محارمه أن تنتهك وربما كان هذا العذاب العاطفي عذاب عقوبة دنيوية فإن تبتي وإلا لحقك عذاب في الأخرة أشد وأنكى إذ أن من مقتضيات حبك لله ألا تفعلي ما لا يحب ولا تشغلي قلبك بما لا يحل. 6ـ ابحثي في من حولك بجد لتجدي رفقة صالحة لاتثير اهتمامك إلا بالعمل الصالح وتدعوك للخير وتجرفك نحو الهداية ولاستقامة بكاملك قلبا وعملا وعاطفة . موضوعك كبير ووقفاتي معه طويلة وأحيلك لتصفح الاستشارات السابقة فإن فيها تشابهات وقضايا تنفعك وتبصرك بما عليه غيرك ممن واصلوا السير في طريق كهذا الطريق وكيف كانت عواقب ذلك. أسأل الله العلي القدير أن يلهمك الصواب ويذهب عنك الحزن ويبدلك خيرا ويحبب إليك الايمان ويزينه في قلبك ، ويكره إليك الكفر والفسوق والعصيان إنه سميع مجيب

أضيفت في: 2007-05-21

المستشار / الشيخ: الشيخ عبدالله القبيسي

أضيفت بواسطة : الشيخ عبدالله القبيسي